متربية وتتمشى !!!!!!!

السلام عليكم

كيف احوالكم وماهي اخباركم

من المفروض تباركولي اول مرة نكتب موضوع ههههههه

حبيت ابدا بهذا القسم باسك; يعجبني بزاف واكثر ما يميزه مواضيع المهبولة المتميزة ليليا هههههههه (سمحيلي اختي راني غير نتمسخر)

فغيمو تعجبني مواضيعها بزاف خاصة الاسلوب وزيد مكانش لي يقرى مواضيعها بلا ما يضحك.

المهم اليوم جيت نحكيلكم على موضوع اكيد موضوعي مرحش يكون متميز كيما تاعها مي عذروني راني عاد ا في سطاج هههههه:d:d

هاذ السمانة منيش عارفة واش راهو يصرالي

رح ابدالكم من يوم الاحد الساعة الاولى مجاش الاستاذ رحنا للمكتبة كالعادة وكان كاين قسم اخر تاني قلت نغتانم الفرصة ونراجع المات انا وصحباتي حتى سمعت وحدة تعايطلي شفت فيها

تبسمت الابتسامة في وجه اخيك صدقة هي قاتلي رواحي وانا نقول لصحباتي البيدو يجي عند السبالة ولا السبالة تجي عند البيدو هههههههه

وزادت عايطتلي المرة الثانية مي انا فري منسمعش مين كرهت مسكينة جات عندي قاتلي وعلاش مبغيتيش تجي قلتلها راكي مسحقتني قالتي واه قتلها اااانتي لي راكي متسحقتني

(يا العgونة انت لي تجي عندي ماشي انا) قاتلي مالgري ميقمتينيش مي راني درت فيك بليزير وجيت عندك وتهدر بوحد لافاسو تاع لمفلشات وانا هاذي الحاجة لي نكرها مي كي تجي وحدة

تهدر معايا هاكا ارد لها الصاع صاعين .

قاتلي معليش دقيقة قلتها غير هدري هنا معنديش مشكل قاتلي شوفي ختي واحد يقرى معايا راهو حاب يتمشى معاك (ياحبيبي درك فهمت لحكاية).

كي قالتلي هاك ضحكت ضحكة الصفرة ودرت نكمل نحل في التمارين ونفهم في صحبتي مقيمتهاش قاتلي ختي واش السكوت علامة الرضا

قتلها واشنو سموه رضا والله ما يعجبني اسم رضا سمحيلي اختي

قاتلي هدري سيريو قتلها شوفي ختي وعلاباليش عليمن راكي تهدري مي نو

قاتلي رواحي نوريك ليفوتو تاوعو بلاك يعجبك (ياعيني فيها الكاتالوg هاذي مليحة) قتلها جااااااااااااامي وبنفس لافاسو لي تهدر بيها :tongue02::tongue02:.


قاتلي خلاص فهمت سمحيلي مالا .

في الاستراحة جاتني صحبتها قاتلي شوفي ختي رح ننصحك كي ختي راكي رح تراطي وحد البوgوص منgلكش (ياعيني على النصيحة)

قتلها كي راه عاجبك خليتهلك .ديجا نورمالمون تفهوا وحدكم انا ماشي من النوع لي يتمشا جامي تمشيت وجامي رح نتمشى مع الاولاد

قاتلي جوستو هو كي شافك متربية ودايرى الحجاب الشرعي ماشي كيما حنا عجبتيه قتلها والمعنى قاتلي هو يحب يخرج مع وحدة متربية

قعدت نضحك واومامتو متشوكيا يا حوجي (كيما يقولي الشوابين) حتى هاذ صوالح داخلا فيهم التربية

قتلها وانت في ميزك انت شفتي وحدة متربية دير كيما هاذو الصوالح

قاتلي هاذي ماشي حاجة تاع تربية كامل لبنات راهم يخرجو مع الاولاد .


قتلها متعميش حبيبتي هدري غير على روحك باسكو انا مزال ما توولده امه لي على خاطره نعصي ربي ندنس شرفي والطخ عفتي واخون اهلي وافقدهم الثقة بي

قاتلي اختي راكي روطار بزاف من اي عصر انت قتلها من عصر العفيفات قاتلي ههههههههههه لا حنونة من العصر الجاهلي قتلها روحي انت لي راكي في العصر الجاهلي .

وبزاف مواقف مشابهة لهذه حدثت لي هذا الاسبوع حكيتلكم برك على يوم الاحد .

اريد رايكم خاصة الاولاد

واش معناتها هاذي حاب نخرج مع وحدة متربية انت في ميزك لمتربية تقبل بالخروج معك(حتى معنى الخروج مع الاولاد انا ماجي فاهمتو مدابيكم تفهموهلي)

وانت تقبل اختك تكون هي الفريسة ملا علاش تقبل تكون انت صياد للفريسة

وانت ايتها الفتاة لما تقبلين بمثل هذا الامر الوسخ تبعين الغالي بالرخيص الصراحة انا لا ارد اللوم للذكور لانك عندما ترفظين وتقتنعين انك غالية لا يكسبك الا من يستحقك لن تقبلي بمثل هذه

الامور فحينها تسمين متربية ومتخلقة لا معقدة .

اليكم الخط واسفة على الاطالة.

from منتدى اللمة الجزائرية