{ مُمَيَّزُونْ }....حاجة مليحة... شوفو ناس الخير في بلادي

السلام عليكم ورحمة الله وبركاته


حاجة مليحة ...ناس الخير ومازالت الدنيا بخير
هو عنوان مشاركتي في مسابقة مميزون
بلادنا ربي يحميها هي بلاد الكرم وناسها وقت الصح تلقاهم
نوقفوا مع المحتاج...ونوقفوا مع المريض ...ونساندوونضامنو مع اي واحد جانا
حملات خيرية حملوها شباب لاهم لا ولاد فلان ولاعلان
حطو اليد في اليد وخرجو للمدن والارياف يحوسوا
ويعاونو كل محتاج للدار بالتويزة قدرو يدخلوا الفرحة لبزاف عايلات
*****
وهذا ولدو مريض والاب يبكي ويشكي ويدعي ربي انو يلقى شكون يقدر يساعدو
يجيه تليفون من واحد مجهول تبرعلو بمليار سم كانت فرحة الاب لاتوصف والحلم
تحقق من رب السموات باه يقدر يداوي وليدو
بلاماننسى وقفات ايام شهر رمضان وين تلقى
بزاف بلايص خصوها ناس الخير لمايدة رمضان لعابر السبيل والفقير
حاجة بزاف عجبتني في حصة لقناة خرج مراسل للشارع ويسقسي في الناس
كرم الجزايري مع التقشف هل يختفي
وكانت اجاباتهم انوالكرم ماشي في الدم ومحال يروح سواء وقت التقشف ولاغيرو
واذا كانت اللقمة عندي نقسمها على زوج ليا ولخويا
هادي هي بلادنا بلاد الخير وناسها هوما صح ناس الخير
ربي يحميها ويحمي شعبها:thumb_up02:

from منتدى اللمة الجزائرية