يعطيك تخطي راسي ....لا حول و لا قوة الا بالله

السلام عليكم و رحمة الله
واش راكم يا اهل اللمة
لاباس ؟؟
حتى انا راني لاباس
بصح من جيهة ربي برك
اما العباد ...هه..مرانيش لاباس خلاص
.....
المهم
الموضوع تاع اليوم ...هو عقلية المجتمع الجزائري المعاصر ...* يعطيك تخطي راسي*
هذي هي العبارة يا سادة
...
شفت واحد التمثيلية تاع طفل يستنجد اشخاص في الزقاق ...و يحوسهم يسلكوه من مختطفيه الافتراضيين
هي على كل حال كاميرا مخفية ...
تخيلوا يا ناس ...واحد ما هب من المارة و قال نسلك الطفل و لا نضرب عليه
لا حول و لا قوة الا بالله
وصلنا لهذي الدرجة ...يعود كل واحد يمش بمنطق* لي يخاف سلم و لا كيفاه *

ياودي هذي راها قالتلهم اسكتوا ..و ين راها النخوة و الشهامة ...؟
وين راه النهي عن المنكر .؟.وين راه المومن القوي ؟..وين .؟.وين .؟..وين ....؟
..........
ياودي و الله ليدوخ الواحد
نسال الله ان يهدينا صراطه المستقيم
و
يجعلنا من عباده المخلصين
و
يجعلنا ممن يامرون بالمعروف و ينهون عن المنكر
آمين
يا رب العالمين

from منتدى اللمة الجزائرية