لما مهر المطلقة اقل ؟؟

السلام عليكم
اخوتي واخواتي الله يمسيكم بالخير
ان شا الله الكل بصحة جيدة
هذا ثاني موضوع ليا في هذا القسم
رح نحكي امر خاص شوية لكني محتاجة اراءكم
انا مطلقة منذ سنة والحمد لله ربي عوضني وانخطبت مرة ثانية والانسان لي خطبني جاو اهلو ويماه كانت تحكي على اساس انو المطلقة مهرها مالازمش يكون كبير لانها سبق وان تزوجت من قبل
شحال المهر عندكم
مع اني طلبت الهنا فقط لكن المهر هو حاجة ضرورية وخصوصا انو وقتنا صعب جدا وكل شي غالي حتى لو ما طلبت الطفلة والو لكن كي تروح لدار راجلها يوليو كامل يحوسو وش جابت ووش دارت واولهم اهل الزوج
لا ادري ربما تعقدت من اهل زوجي الاول او الناس كامل هكذا تفكيرهم
بالنسبة ليا طلبت 6 ملاين فيهم كل شي وجاتهم بزاف
ربي يخليكم قولولي في جيهتكم البنات شحال تطلبو مهر ؟ والرجال ربي يخليكم خاوتي كي رحتو تخطبو شحال طلبو مهر ؟
علابالي الصح في الهنا لكن سؤالي الاهم علاه المطلقة يشوفوها ما تستحق ولا شي ؟؟؟؟ ام في منطقتنا فقط هذي النظرة
نتمنى تجاوبوني
وشكرا لردكم مسبقا
وشكرا للمشرفين لاعتماد الموضوع
:$

from منتدى اللمة الجزائرية